കുഞ്ഞാപ്പപോലീസ് വരുന്നുണ്ട് ...ഓടണോ? അതോ നില്കണോ?

അങ്ങിനെ ഒടുവില്‍ അതങ്ങു കഴിഞ്ഞു .എന്തെല്ലാമായിരുന്നു ...100 സീറ്റ്‌ ...കട്ടായം ..

തെക്കന്‍ 30 വടക്കന്‍ 18 പിന്നെ മദ്യം(മധ്യേ) ഒരു 35... പിന്നെ ചില്ലറ അണ്ടനും അടകോടനും ആയി ഒരുവിധം 90 നു മുകളില്‍ ...അങ്ങിനെയാണ് ഞങ്ങള്‍ ആ ബസ്‌ ബുക്ക്‌ ചെയ്തത് ..

ഏതു ബസ്‌ എന്നല്ലേ ?

മറന്നു പോയോ വെസ്ടിബുല്‍ ബസ്‌ ,ഹ ഞമ്മളെ "കേസാര്‍ ടീസീന്റെ "പുതിയ " ബസ്‌ ....അതാവുമ്പോ ഒരുപാട് പേര്‍ കയറാം ..ഇനി നൂറില്‍ കൂടിയാലും പ്രശ്നമില്ല .പോരാത്തതിന് കെ എസ് ആര്‍ ടി സി ഇപ്പൊ പ്രൈവറ്റ് ആവശ്യത്തിന് ബസ്‌ വാടകക്ക് നല്കുന്നുമുണ്ട്...(ചിത്രം മുകളില്‍ നോക്കുക )

അതങ്ങനെ കാസര്‍ഗോഡ്‌ നിന്നും തുടങ്ങി "കുറ്റ്യാടി നിന്നും "ഒരു "നരീനേം " കയറ്റി കൊയിലാണ്ടിയില്‍ നിര്‍ത്തി നമ്മളെ "അമുല്‍ ബേബി "യുടെ സ്വന്തകാരനെ വിളിച്ചു കയറ്റി അങ്ങിനെ കോഴിക്കോട് വഴി "കെ ടീ സി "കാരന്റെ അകമ്പടിയോടെ ,മലപ്പുറം പാലക്കാട്‌ കറങ്ങി "ചിറ്റൂരിലെ "കള്ളിന്റെ നിറം നോക്കി അങ്ങനെ ഒരു യാത്ര ..അപ്പോഴേക്കും ബസ്‌ നിറയും ...

എങ്ങോട്ടാ ?

നല്ല ചോദ്യം

തിരുവനന്തപുരത്തിന് ...അല്ലാതെവിടെക്കാ ...?!!!!

ഒടുവില്‍ എണ്ണാന്‍ തുടങ്ങിയപ്പോ വിവരമറിഞ്ഞു ..

കാസര്‍ഗോട് നിന്നും കയറാന്‍ കോണ്‍ഗ്രെസ്സ്കര്‍ ഇല്ല ...കുറ്റ്യാടിയില്‍ "നരി " പോയിട്ട് ഒരു പൂച്ച പോലും ഇറങ്ങിയില്ല (ഇവിടെ "നരി "ഇറങ്ങും [ സൂപ്പി നരിക്കട്ടെരി ] എന്നും നാദാപുരത്ത്‌ "ചന്ദ്രന്‍ ഉദിക്കും എന്നായിരുന്നു "എസ്എം എസുകള്‍" അത് ഞാന്‍ രാഹുല്‍ ഗാന്ധിക്ക്‌ വരെ ഫോര്‍വേഡ് ചെയ്തിട്ടുണ്ട് .ഇനി എന്ത് ചെയ്യും )

വടകരയിലാവട്ടെ "സോഷ്യലിസ്റ്റ്‌ " ആയ വക്കിലച്ചനെ കാണാനുമില്ല ...

കൊഴികൊട്ടും കോണ്‍ഗ്രെസ്സ തലകള്‍ ഇല്ല ...

മാമാങ്കം തുടങ്ങിയ സമയം തന്നെ "വീരന്‍" ചേട്ടന്‍ കടത്തനാട്ടില്‍ തല തകര്‍ന്നു കിടപ്പയത്രേ ....

സി എം പി കാരന്‍ രാഘവേട്ടനും ഗൌരി വല്യമ്മയും മരുന്നിനു പോലും ബാക്കിയില്ലാതെ അപ്രത്യക്ഷമായി ...

സഹായിക്കാം എന്ന് ഏറ്റ ഒരു നായര് ചേട്ടന്‍ വിഎസ്‌ എന്നാ പുലി അലറുന്നത് കേട്ട് ബോധം കെട്ടു വീണു ..

നീന്തി കയറും എന്ന് പറഞ്ഞ ജേക്കബ് പിറവം കായലില്‍ (കായല്‍ ഉണ്ടോ ) മുങ്ങി ചാവുന്നത് കണ്ട ആരോ കരക്ക് പിടിച്ചു കിടതിയിട്ടുന്ദ്‌

പിള്ള ചേട്ടന്‍ വീണ്ടും ജയിലിലും ....അങ്ങേര്‍ക്ക്‌ മരുന്ന് കൊടുത്ത ഡോക്ടര്‍ ഇപ്പൊ മരുന്നില്ലാത്ത വിധം അടി കിട്ടി കൊട്ടാരക്കരയില്‍ കിടക്കുന്നു ....

ആകെ ഒരു മരവിപ്പ് ..കേരള മോചന യാത്ര നടത്തിയപ്പോ വീണ പോലെ

ഒന്ന് വീണു കിട്ടുമോ ?

കണ്ഫ്യുഷന്‍ തീര്കണമേ എന്നാ പാട്ട് റീമിക്സ് ചെയ്ത ഒന്ന് പാടിയാലോ എന്ന് വരെ ആലോചിച്ചു ....

"ചെന്നി" പറഞ്ഞു അത് വേണ്ട "ശിവശംഭോ" കേട്ടാല്‍ പിന്നെ കോട്ടയം കാണില്ല ..!!!!

എണ്ണി തീരാറായപ്പോള്‍ ഈയുള്ളവന് ഒരു സംശയം "69 -70, 68-72-,70-70" ഇങ്ങിനെ പോകുന്നു ,...നമ്മള്‍ ബസ്‌ എന്ത് ചെയ്യും ..?

ചെന്നി വീണ്ടും ഉപദേശിച്ചു ....നമുക്ക്‌ ചാത്തനെ വിളിക്കാം {മുരളീധരന്‍ അല്ല ,ശരിക്കും സത്യം }

പിന്നെ നമ്മുടെ "ശ്രീശാന്തിന്റെ " സ്വന്തം കുട്ടിച്ചാത്തനെ വിളിച്ചു ഒറ്റ കരച്ചില്‍ ....സംഗതി ഏറ്റു..(അല്ലേലും ആ ചാത്തന് {ശ്രീശാന്ത്‌ അല്ല ,അത് ഗോറില്ല അല്ലെ ?} ശക്തി ഇല്ല എന്നാരാ പറഞ്ഞെ ...

പിടിച്ചു കെട്ടിയ പോലെ ദാണ്ടെ കിടക്കുന്നു 68-72 ഇല്‍ ...

"സദാമാനമായി "......ബസ്‌ വെറുതെ ആയില്ലല്ലോ ...

പിന്നെ ആണ് കക്ഷി നില നോക്കിയത് ..ഞെട്ടി എന്ന് പറഞ്ഞാല്‍ പോര ...." പൊട്ടി " എന്ന് തന്നെ പറയണം ...മനസ്സില്‍ ഒരു ബോംബ്‌ ....കേരളത്തില്‍ ഒരു സ്വപ്നം {ചെന്നി പറഞ്ഞു ഈ കണക്കിന് അച്ചു മാമന്റെ സ്വപ്നം നടന്നാല്‍ മതിയാരുന്നു എന്ന് ) ......

ഒരു വശത് കുഞ്ഞാപ്പ ...മറു വശത്തു മാണി സാര്‍ ...

ഒരു തോണിയില്‍ മുയലിനെയും നരിയെയും പുഴ കടത്താന്‍ പണ്ട് കളിച്ച കളിയാണ്‌ ഓര്മ വന്നത് ...{നരി ഏതു മുയല്‍ ഏതു എന്ന് ചോതികരുത് ...കടലും ചെകുത്താനും എന്നാണ് ഇവര്‍ക്ക്‌ ചേര്‍ന്നത്..}

നമ്മളെ പോക്കറ്റില്‍ ആകെയുള്ളത് 36 പേര് മാത്രം ....

ഭരിക്കണേല്‍ ഇവന്മാര്‍ വേണം ..

ഉപ മുഘ്യമന്ത്രി തന്നെ വേണം എന്നാണ് ഒരു ടീം അടക്കം പറയുന്നത് ....( ഇവിടെ വല്യ മുഘ്യന്‍ ആരാവണം എന്ന് ഇനിയും തീരുമാനമായില്ല ..അപ്പോഴ ഉപന്‍..!!!)

ധനകാര്യം വേണം എന്ന് മറ്റേ കക്ഷി ...പോരാത്തതിന് 3 എണ്ണം വേറെയും ...

കൊടുത്തില്ലേല്‍ അപ്പൊ മുക്കും ..കൊടുതില്ലേലും മുങ്ങും ...ഭരണം ഇല്ലേലും വേണ്ടേ ഇനി ഇങ്ങിനത്തെ ജയം വേണ്ടെന്റെ പൊന്നേ....

തോണി തുഴഞ്ഞു ഒരുപാടു ദൂരം പോവാന്‍ കഴിഞ്ഞാല്‍ മതിയെന്റെ പുന്യളന്മാരെ

സ്തോത്രം.....

വാല്‍ ....:-

"എച്ചുസ്മി :-" {ജഗദീഷല്ല ഞാന്‍ തന്നെ ആണ് }

കുഞ്ഞാപ്പ ആഭ്യന്തരം ചോതിക്കുമോ ?

ഒരു ദിവസം എങ്കില്‍ ഒരു ദിവസം ആ അച്ചുവിനെ {മയ്യഴിയുടെ തീരങ്ങളിലെ അച്ചു അല്ല }ഒന്ന് ജയിലില്‍ അടക്കാന്‍ അങ്ങേര്‍ക്ക്‌ ഒരു നേരം പോക്ക് തോന്നിയാലോ ...?

യുനിഫോരം ധരിച്ചു പച്ച തലേ കെട്ടു കെട്ടി പോലീസുകാര്‍ സ്റ്റേഷനില്‍ ഐസ് ക്രീം വില്കുന്നത് ഒന്ന് ഓര്‍ത്തു നോക്ക് ...!!

ചിരിക്കണ്ട ..ഇത് കേരള പോലീസാണ്....

"വേണമെങ്കില്‍ സ്റ്റേഷന്‍റെ അകത്തും ബോംബ്‌ ഉണ്ടാക്കും എന്ന് പറഞ്ഞ " കോടിയേരി സഖാവിന്റെ പഴയ പോലീസ് ..

ബോംബ്‌ ഉണ്ടാക്കിയില്ലേലും അവര്‍ ഒരു "എസ് "മാര്‍ക്ക്‌ കത്തി ഉണ്ടാകിയില്ലേ ...?

അപ്പൊ ഇനി തീര്‍ച്ചയായും നാളെ ഐസ് ക്രീമും വന്നേക്കും ..

എന്നാല്‍ പിന്നെ ഇനി പറയു ....കുഞ്ഞാപ്പ പോലീസ് വരും മുന്‍പ്‌ ഓടണോ അതോ .....